Pig-anunsyar kan mga opisyal gikan sa Estados Unidos asin China kan lunes (local time) an 90-aldaw na truce tanganing pag-ulayan an mga isyu sa pagbaba kan taripa.
Sigun ki US Trade Representative Jamieson Greer asin US Treasury Secretary Scott Bessent, mabawas soboot nin taripa sa mga produkto kan China an US puon 145% pasiring 30% na sana, mientrastanto an China man an mababawasan nin 10% an mg produkto kan US.
Sinaysay pa ni Bessent na an mga haralangkaw na taripa an nagdara nin kalituhan asin haros nagin sarong klase kan “embargo” sa tahaw kan duwang nasyon, sarong sitwasyon na habo kan sisay man sa sianda.
Pinuri man kan Ministry of Commerce kan China an kasunduan asin pighagad an pagpundo kan Estados Unidos sa mga “unilateral na pagtaas ng taripa.
”Pig-aunsyar man kan China an suspensiyon kan iba pang mga lakdang na piglunsar kaini komo kasimbagan sa mga taripa kan US, kaibahan na an pag-kontrol sa exportation kan mga bihirang mineral.
Alagad maski igwang mga positibong reaksiyon gikan sa mga merkado asin negosyo, igwang mga nagtao nin abiso mapadapit sa padagos na kawaran nin kasiertuhan, orog na an kasunduan an igwa sanang 90 aldaw an pighaloy.
