Nakatalaang magsagibo nin meeting an mga opisyal kan US asin Iran. Gigibuhon ini sa aldaw nin Miyerkules sa Geneva, Switzerland.
Papangenotan ini ni U.S. special envoy Steve Witkoff asin an manugang ni US President Donald Trump na si Jared Kushner.
Sa kampo man kan Iran an representantes ni Iranian Foreign Minister Abbas Araghchi asin magigin mediator sa pag-urulay iyo si Omani Foreign Minister Badr Al-Busaidi.
An pag-urulay an pinakabagong diplomatic effort tanganing maiwasan an anumang lakdang kan US military kontra sa Tehran asin tanganing malikayan na maglala an tensiyon.
Enot ng nagsagibo nin pag-uulay an duwang kampo kan nakalihis na Pebrero 6 na isinagibo sa Muscat, Oman.
Sinaysay kan Iran na preparado sinda kan nuclear deal sa US tanganing dagusang mapakarhay an problema.
