Pig-anunsyar ni US President Donald Trump na iti-take over kan Estados Unidos an Venezuela makalihis an matrayumpong operasyon militar sa Caracas.
Sigun sa saiya, paramientras na pamamayuhan kan U.S. an nasyon hasta sa maitatag an salbado na transisyon pasiring sa bagong gobyerno.
Inarestar kan mga puwersang Amerikano si Venezuelan President Nicolás Maduro asin an saiyang agom na si Cilia Flores.
Dinara sinda sa Estados Unidos tanganing hampangon an mga kasong narco-terrorism asin drug trafficking.
Nagtitinir na pigpapautob an embargo sa langis kan Venezuela mantang nakaposisyon an mga pwersang pandagat kan U.S. sa rehiyon.
Pinatanidan ni Trump an iba pang opisyal kan Venezuela na pwede nindang maeksperyensihan an kaparehong kaparalan kun padagos sindang magigin mapang-abuso.
Plano kan U.S. na ibali an mga kompanyang Amerikano sa liwat na pagpapatindog kan industriya kan langis kan Venezuela.
Pigkokonsiderar kan gobyernong Amerikano na trayumpo an operasyon asin puon kan pagbebweltada kan sigla kan ekonomiya kan nasyon.
