Nagpataw nin mahewasang taripa si US President Donald Trump sa mga pangenot na partners kan United States pag-abot sa kalakalan siring kan Canada, Mexico, asin China, sigun sa ipigluwas na pahayag kan White House kan nakalihis na Sabado huli soboot sa mga naglalawig na illegal immigration asin maski paglaog kan illegal drugs.
An mga export gikan sa Canada asin Mexico pasiring Estados Unidos, papatawan nin 25% na taripa, alagad maki an mga pinagkukuanan kan enerhiya gikan sa Canada an magkakaigwa man nin mas hababang taripa na 10%.
Nakatalaan man magpuon an pagpapautob kan mga taripa na ini ngunyan na Martes.An mga kalakal man gikan sa China na presenteng igwang mga taripa na an makakaeskperyensiya pa nin dugang na 10% na taripa, gikan sa White House.
Mientrastanto, obheto man kaini na pasimbagon an tolong nasyon na ini para sa saindang promesa na pugolan an mga illegal immigration asin an pagkuriyat kan iligal na droga.
Paulit-ulit man ipinahayag ni Trump an saindang pagigin panatiko kan taripa na boot sabihon soboot na pigpoprotehiran na maray ni Trump an national interest kan saindang nasasakupan.
Ngunyan na semana, piglalaoman man na mapataw an US nin mga taripa sa mga nasyon sa European Union.
Promesa man kaining magpataw nin mga taripa sa mga semiconductor, bakal, aluminyo, pati na man sa langis asin gas.
