NAGA CITY – Makalihis an haros 15 taon, balik-pulitika na ngunian si Jukebox queen Imelda Papin makalihis dagos nang magtukaw komo Vice Governor kan probinsya nin Camarines Sur.
Sa paghahapot kan Bombo Radyo Naga ki Papin, sinaysay kaini na dae niya nanggad malilingawan an musika alagad sa ngunian, prioridad mula niya an pagsisirbi sa banwaan.
Sigon ki Papin, saro sa mga prioridad niya sa ngunian an turismo sa probinsya kunsaen eenoton soboot kan provincial government an rehabilitasyon sa airport.
Nangapudan man ini nin pagkakasararo sa mga pag-iribang opisyal para sa ikararahay kan mga taga-Camarines Sur.
Si Papin an enot na nagtukaw komo bise gobernador kan probinsya kan taong 1998 hasta 2004.
