Tinawan nin panahon si Bise Presidente Sara Duterte sagkod Hunyo 1, 2026 tanganing isumitir an saiyang pormal na simbag sa kasong impeachment kontra saiya, segun ki Senate President Alan Peter Cayetano.
Sa sesyon kan Senado kasuodma, sinabi ni Cayetano na opisyal nang ipinadara an summons sa bise presidente kan Mayo 20, asin kinumpirmar man kan Office of the Vice President (OVP) na naresibe ninda ini mga alas 10:40 nin aga kan parehong aldaw.
Susog sa mga patakaran kan impeachment court, an respondent igwa nin 10 aldaw poon sa pagresibe kan summons tanganing isumitir an saindang simbag. Sa orihinal, dapat na matapos ini sa Mayo 30, alagad huli ta ini nahulog sa Sabado, an deadline ibinalyo sa masunod na aldaw nin trabaho sa Hunyo 1.
Oras na maisumite na kan kampo ni Duterte an saindang simbag, tatawan nin limang aldaw an House prosecution panel tanganing mag-file nin simbag antes na i-schedule an kaso para sa pre-trial.
