Kumpyansa si Vice President Sara Duterte na maipapagana kaini an saihang impeachment trial sa Senado na nakatalaang magpuo sa Hulyo kan presenteng taon.
Sa sarong entrevista, sinaysay kan bise na tulos ining nakipag-ulay sa saiyang mga abogado pag-abot kaini sa nasyon gika sa The Hague, Netherlands.
Marurumdoman, nagtinir an bise sa nasambitan ng nasyon nin haros sarong bulan tanganing mag tabang sa pagbilog nin defense team kan saiyang ama na si dating Presidente Rodrigo Roa Duterte.
Sigun ki VP Sara , kumpyansa man an saiyang legal team na halangkaw an tsansa na maipagana ninda an kaso.
Sa ibong kaini, nagsayuma an bise presidente na iheras an saindang ginigibong preparasyon sa nakatalaang impeachment trial sa Hulyo.
Enot nang na impeach si VP Sara Duterte sa Kamara.
Mientrastanto, kabali sa mga nagin batayan kan impeachment an soboot salang paggamit nin pondo kan gobyerno asin iba pang mga pagbalgar.
