Nagpatanid an World Health Organization (WHO) sa posibilidad kan sarong mahewasang paglakop kan chikungunya virus, kasunod kan paglangkaw kan mga kaso kaini sa nagkapirang nasyon puon ngunyan na taon.
Sigun ki Dr. Diana Rojas Alvarez, nahihiling na ninda an mga parehong abiso siring kan nakalihis na taong 2004-2005, kun saen kabangang milyon na tao an tinamaan kan chikungunya sa bilog na kinaban.
Sa pagkakarkulo kan WHO, liwat na nagpuon an mga kaso kan helang sa mga isla, siring kan Reunion, Mayotte, asin Mauritius.
An chikungunya an sarong helang na dara kan namok na nagdadara nin kalintura asin matinding pangungulog kan kasu-kasuan asin pwede ining ikagadan sa nagkapirang pagkakataon.
Sa presente, naikurit na an helang sa haros 119 nasyon. Nangapodan an WHO nin tulos na aksiyon tanganing malikayan an mahewas na paglakop kan helang.
