Pigpasalamatan ni Ukrainian President Volodymyr Zelensky si US President Donald Trump huli sa nagin magayon an kinaluwasan kan saindang pag-uulay sa telepono.
Pigsaysay kan opisyal na saindang napag-ulayan an dugang na sanctions sa Russia, defense cooperation asin drone productions.
Pigkundusir an pag-ulay sarong aldaw antes an pagbisita sa Russia ni US envoy Steve Witkoff asin pakikipaghilingan ki President Vladimir Putin.
Marurumduman, nagpatanid si Trump na mahahapang sa magabat na sanctions kaibahan an mga nasyon na nakikipagnegosasyon sa Russia enkaso dae sinda magsimbag sa pigbubusol na ceasefire.
Alagad enot naman na nagpaluwas kan saindang kapahayagan an Russia na dae sinda nahahadit sa anuman na klase kan pagpapatanid na pigsaysay ni US Presidente Donald Trump.
