NAGA CITY- Dae na nag-abot pa nin buhay sa ospital an sarong lalaki makalihis an nangyaring banggaan kan motorsiklo asin tricycle sa Jose Panganiban, Camarines Norte.
Pigbisto an nagadan na si Mark Cyril Velasco, 27-anyos.
Sa nagunong impormasyon kan Bombo Radyo Naga, napag-araman na pigbabagtas kan motorsiklo na pigmamaneho ni Velasco an kalabaan kan tinampo sa Barangay Sta Rosa Norte sa nasambitang banwaan kan aksidente ining makabangga sa kasabatan na tricycle na pigmamaneho ni Lito Caranog, 32-anyos.
Huli sa kusog kan pagkakabangga, nagsapo nin lugad sa saindang lawas an duwang driver na tulos mang pigdalagan sa ospital alagad pigdeklarar ng dead on arrival kan mga doktor si Velasco.
Nagpaparahay pa man hasta sa ngonyan sa ospital si Caranog huli sa pigsapong lugad sa saiyang lawas mantang nagpapadagos pa an imbestigasyon sa insidente.
