NAGA CITY-Gadan an sarong pinagtutubudang miyembro kan rebeldeng New People’s Army (NPA) sa nangyaring engkwentro sa banwaan nin Lagonoy, Camarines Sur.
Ini an kinumpirmar ni Capt. Joash Pramis, chief kan Division of Public Affairs Office (DPAO) kan 9th Infantry Division (ID), Philippine Army (PA) sa entrevista kan Bombo Radyo Naga.
Segun ki Pramis, nairehistro suboot an engkwentro sa pagultanan kan Regional Party Committee na pinagtutubudang nag-ooperar sa nasambitan nang lugar asin tropa kan 83rd Infantry Battalion (IB.)
Makalihis an riribayan nin putok, tulos suboot na nagdulag an grupo kan mga rebelde mantang nawalat man sa lugar an sarong bangkay asin sarong badil na pinagtutubudang pag-sasadiri kan mga ini.
Sa ngonian, nagpapadagos pa an ginigibong hot pursuit operation kan mga kasoldadosan mantang inaaram pa an pagkakabistuhan kan nagadan na rebelde.
