Dae mababa sa 10 katawo an binawian nin buhay mantang nasa 30 an lugadan makalihis budalan kan driver kan sarong pickup truck an kadakol na tawo sa pagselebrar kan Bagon Taon Bourbon Street sa New Orleans kan Miyerkules nin pagkaaga.
Sigun ki police Superintendent Anne Kirkpatrick, igwa nin intensyon an driver na budalan an kadakol na mga tawo. Apwera pa digdi, binadil man kan lalaki an mga pulis, kun saen tinamaan an duwa na sa ngunyan an nasa marhay ng kamugtakan.
Pigsuri man kan Federal law enforcement agents an mga posibleng improvised na pagpapasabog sa pinangyarihan.
An nasambitan naman na pag-atake sa sikat na French Quarter an nangyari pirang oras antes sana an paghost kan siyudad sa The Sugar Bowl, mayo pa nin sarong milya an rayo.
