Nastranded an nasa 145 katawo sa 11 pantalan sa nasyon huli sa epekto kan bagyong Nika.
Basado sa monitoring kan Philippine Coast Guard (PCG) ngonian na Martes, igwa man nin total na 9 na rolling cargoes na stranded mantang 15 behikulong pandagat asin 20 motorbanca an temporaryong naka-shelter.
Sa numero na ini, 34 pasahero, truck driver asin cargo helper an na-stranded sa Southern Tagalog mantang igwa man nin 6 na rolling cargo na enot na kanselado an sea trip.
An mga na-stranded na indibidwal asin kargamento naikurit sa Real Port, Calapan Port, Muelle Port, Valadero Bay, Romblon Port, San Agustin Port, Balanacan Port, Tingloy Port asin Wawa Port.
Sa rehiyong Bicol, 111 na pasahero, truck drivers asin cargo helper an na-stranded mantang 3 rolling cargoes an suspendido kan saindang byahe pasiring sa Calaguas island asin Pasacao port.
