NAGA CITY – Sinaysay kan Philippine Atmospheric, Geophysical and Astronomical Services Administration (PAGASA) na nasa 13 hasta 16 na tropical cyclone an pupwedeng maglaog o mabilog sa laog kan area of responsibility kan nasyon hasta sa katapusan kan taon.
Sigun ki PAGASA-Climate Monitoring and Prediction Section (CLIMPS) Officer-in-Charge Ana Liza Solis na posibleng magin mapanraot an pirang bagyo.
Ginibo kaini an pahayag kasunod kan nagbabadyang La Niña sa ikatolong quarter kan taon, na igwa nin pig-aantisiparan na epekto sa nasyon sa huring quarter.
Mantang padagos na nagluluya an El Niño na posibleng matapos sa Hunyo, padagos man na namamatian an epekto kaini sa nasyon.
Alagad sinabi kan PAGASA na an La Niña an pig-aantisiparan na mabibilog makalihis an panahon kan El Niño Southern Oscillation-neutral (ENSO-neutral) na mga kondisyon, kun sain mayong El Niño o La Niña na kondisyon an malaganap. Karaniwang pigtatakod an La Niña sa mas halangkaw na normal na kondisyon kan pag-uran sa kadaklan kan mga lugar kan nasyon sa huring quarter kan taon asin mga inot an bulan kan masunod na taon.
