Aram baya nindo mga ka-bombo, sarong 26-anyos na Chinese programmer an nagsairarom sa neck massage tanganing mabawasan o mahali an saiyang namamatean na kulog sa saiyang liog alagad ini an napuli sa stroke.
Binisto an lalaki na si Xiao Zhang, sarong IT professional gikan sa Changsha sa probinsiya kan Hunan sa China.
Susog sa report, pirme soboot nagsasapo nin kulog sa saiyang liog si Zhang huli sa pagtatarabaho nin halawig na oras kun kaya kan saiyang mabaretaan an dapit sa traditional massage na kayang mahali an saiyang neck pain, nagdesisyon ini na purbaran sa sarong local massage parlor.
Nagin marhay man soboot sa enot hasta sa makamate ini nin labing kulog sa liog mantang pigmamasahe kan massage therapist.Ini an pigsundan kan labing kulog nin payo.
Ipinasipara soboot kan lalaki an saiyang namatean alagad kan nagsunod na aldaw, nakamate na ini nin pagluya asin pagkamanhid kan saiyang walang parte kan lawas asin sakit sa pagtaram.
Huli sa labing pagkatakot, an 26-anyos na lalaki an tolos na nagpasiring sa ospital kun saen ini na-diagnosed nin secondary cerebral infarction.
Basado sa pigkundusir na pag-aadal si Zhang an nagsapo nin right carotid artery dissection asin secondary cerebral infarction.
Katakod digde, huli ta tolos man na nagkonsulta an lalaki sa mga doktor kun kaya nalikayan an paglala kan saiyang kamugtakan.
Sa ngunyan, padagos na nagpaparahay si Zhang sa saiyang namamatean sa presente.
