Aram baya nindo mga ka-bombo, an alpaca na naka-istar sa farm sa New Zealand an opisyal na pigbisto komo pinakagurang sa bilog na kinaban sa edad na 27-anyos asin 185 na aldaw.
Sigun sa Guinness World Records, an nasambitan ng hayop na igwang pangaran na Hawthornden Wainui, an opisyal naman na pigmirar komo oldest living alpaca kan ma-verify an saiyang edad kan nakalihis na July 6.
Si Wainui an ipinangaki kan taong 1998 kun saen kaibahan na kaini an maysadiri kan farm na sinda Vicki asin Alex Cordier, puon pa kan taong 2002.
Mientrastanto, pigsaysay ni Vicki na si Wainui kasundo man an kalahi kaini alagad mas mawot na pirmeng kaibahan an kambing na si Barney asin an tupa na si Squeak.
Nagtutubod si Vicki na an sekreto sa halawig na buhay an harong kun saen komportable an mga ini sa saindang pang ara- aldaw na pangangaipuhan.
Sa ngunyan, nagpasalamat na sana sinda Vicki asin Alex sa mga opisyal kan Guinness World Records para sa nasambitan ng pagbisto.
