Verified na an tolong impeachment complaint na naisunad sa Kamara kontra ki Vice President Sara Duterte.
Ini an pigkumpirma ni House Secretary General Reginald Velasco kun saen an tolong impeachment complaint an dapit sa soboot salang paggamit kan confidential funds kan Office of the Vice President.
Sigun ki Velaso, kan maisunad an mga reklamo, tulos na pinag-adalan kan House legal department kaya sa ngunyan an na-verified na gabos an tolong impeachment complaint.
Sinaysay ni Velasco na nakatalaan nang maipadara anuman na aldaw an tolong reklamo sa opisina ni House Speaker Ferdinand Martin Romualdez tanganing maibali ini sa 10 aldaw na House plenary’s Order of Business.
An Plenary man an igwa nin tolong aldaw tanganing maipadara an reklamo sa House justice committee para sa kaukulang komento.
