NAGA CITY- Nakapagrehistro an Barangay Mabolo sa siyudad nin Naga nin tolong kaso kan helang na dengue.
Sigun ki Noel Constantino, Kapitan kan nasambitan ng Barangay, weekly an saindang pigkunkundusir na rabus tanganing mamantinir an kalinigan kan saindang barangay alagad igwa soboot talaga na pagkakataon na dae malikayan an siring na helang kun kaya man dae sinda nag-uuntok sa pag-enkaminar sa saindang mga residentes na makipagtabangan sa sainda para sa karahayan kan kagabusan.
Katakod kaini, an nasambitan ng kaso kan dengue an gikan sa tolo man na Zona sa saindang barangay na padagos-dagos an pagmomonitor kun enkaso nagsusunod sa kalinigan an mga residentes.
Dugang pa kan opisyal, padagos an saindang pag spray para sa kiti-kiti asin mga stagnant water tangani man na dae pag-istaran kan mga lamok na carrier kan dengue.
Siringman, kada Sabado nagkukundusir sinda nin rabus kabali na an mga eskwelahan nin huli ta prone digde an mga kaakian.
Sa ngunyan, hagad giraray kan opisyal an pakikipagtabangan kan saindang mga residentes tangani man na mamantinir an kalinigan sa saindang lugar.
