NAGA CITY – Pigkundusir an Anti-rabies vaccination asin Castration sa Barangay Triangulo, Naga City.
Sa entrevista kan Bombo Radyo Naga ki Raymund Arevalo, Kapitan kan nasambitan ng Barangay, sinaysay kaini na puon pa an aktibidad kan nakalihis na semana kun saen, yaon digdi an mga personahes kan City Veterinary.
Apwera pa sa sa Anti-rabies vaccination, pigsunod man naisagibo an castration.
Mientrastanto, saro man sa problema kan saindang barangay an padagos na paglangkaw kan numero kan mga nagbabarasay-basay na ido.
Alagad an mga pigkukundusir na aktibidad kan City Veterinary an dakulang tabang sa sainda.
Kun saen, minsan soboot an may sadiri na kan ido an nagmismong nagpapadakop kan ido ninda na boot sabihon dae ninda ini kayang imanehar.
Katakod kaini, liwat na nagpapagirumdom an kapitan sa mga dog pet owners na gakudan an saindang mga ataman tanganing mayong maperwesyong ibang tawo.
