Pinagirumdoman kan Department of Health (DOH) an publiko na mag-practice nin good hygiene sa tahaw kan naglalangkaw na kaso kan Hand, Foot, and Mouth Disease (HFMD).
Nakapagrehistro kaya an DOH nin 7,598 kaso kaini sa pag-ultanan kan Enero 1 asin Pebrero 22, na haros tolong beses na mas halangkaw kesa sa numero kan mga kaso na naikurit na 2,665 sa parehong panahon kan 2024.
Siringman, mas hababa ini kumparar sa labi 2,500 kaso na naireport sa sarong semana kan Pebrero 2023.
52% o kadaklang kan mga kaso nin HFMD kan 2025 an naikurit sa Central Luzon, MIMAROPA, Metro Manila, asin Cordillera Autonomous Region (CAR).
May 56% o 4,225 na kaso an kinaeembweltohan kan mga aking 4-anyos pababa, mantang 2,069 na kaso an nasa edad 5 hasta 9 na taon.
