Aram baya nindo mga ka-bombo, sarong Indian na lalaki an piggawadan nin labi $200 komo kompensasyon kan pigsunadan kaini nin kaso an sarong movie theater chain huli sa pagpapaluwas nin kadakol na commercials antes an mismong pelikula.
Binisto an lalaki na si Abhishek M R, 31-anyos gikan sa Bangalore, India.
Sigun sa report, si Abhishek an nagsunad nin kaso sa Bangalore District Consumer Disputes Redressal Commission makalihis na mag-atender ini nin screening kan Sam Bahadur asin kan PVR multiplex sa Bangalore.
An nasambitan ng pelikula an nakatalaan na matapos pasado alas 6:30 nin banggi alagad nag-abot pa nin nasa alas 7 nin banggi.
Ini an huli soboot sa duwang public service announcements asin 17 commercials.
Pigsaysay ni Abhishek na an pagkauktaba sa pagtatapos kan pelikula an nagin kawsa tanganing dae kaini masimbag an apod na igwang kinaaraman sa saiyang trabaho.
Nakapalaog sa kaso na dapat bayadan kan may-sadiri kan movie theater an lalaki nin $547 para sa unfair trade practice, $57 para sa mental agony asin $115 para sa legal costs.
Sa pagdangog kan kaso, an District Consumer Disputes Redressal Commission pigpaburan si Abhishek, kun saen piggawadan ini nin nasa $230 para sa danyos asin $92 para sa legal costs.
Basado kaya sa panibagong panundon, an oras kan siisay man na indibidwal an maikokonsederar na importante na dapat dae nasasayang.
Sa ngunyan, kamawotan na sana ni Abhishek sa gabos na mga negosyante na rumdumon an nasambitan ng bagong panundon.
