Nagtutubod si House Assistant Majority Leader Jude Acidre kan Tingog Party-list na si Vice President Sara Duterte an nakikinabang sa dae pagdagos kan pigsunad na impeachment case kontra sa saiya sa sa Senado.
Pighurot ni Acidre an pangangaipuhan na paninimbagaon an mga opisyal kan gobyerno na nag abuso sa kapangyarihan.
Patanid ni Acidre hasta sa dae naghihiro an Senado sa impeachment case, mas kadakol na oras si Duterte tangani makalikay sa imbestigasyon asin paninimbagan kaini.
Pigtawan duon ni Acidre na nagibo na kan Kamara de Representantes an saindang parte sa paagi kan masusing pag imbestigar sa mga paratang kontra ki Duterte asin pagsigurong igwa nin bastanteng ebidensya an pigsunad na impeachment complaint.
Pinunto kan kongresista na hasta sa dae nagdadagos an paglilitis, matinir sa diklom an publiko dapit sa hiwas kan mga soboot pagbalgar ni Duterte.
Pig inkaminar pa kaini an Senado na ipauntok an pagpapauktaba asin tupadon an saindang obligasyong konstitusyonal na bilugon an impeachment court asin madangog an kaso nin patas.
Huli sa nagkukusog na pangapudan kan publiko, nangapudan si Acidre sa Senado na ipauntok an pagkaantala asin man tugutan nang mag usad an nasambitan ng impeachment trial.
