Sa tahaw kan mga report dapit sa pagpapaluwas nin warrant of arrest kan International Criminal Court (ICC), nagsiring sa Hongkong si dating Presidente Rodrigo Duterte.
Basado sa repot, nag-abot sa Maynila an dating Presidente kan Huwebes asin nag-overnight sa Taguig City antes nagpasiring sa airport.
Napag-araman na nagsakay si Duterte sa Cathay Pacific flight CX912 asin naghali sa Ninoy Aquimo International Airport (NAIA) alas-8:41 nin pagkaaga asin nag-abot sa Hongkong alas-10:25 nin pagkaaga.
Pinahimutikan man kan dating chief presidential legal counsel ni Duterte na si Atty. Salvador Panelo an report na nagdulag an dating presidente.
Paliwanag ni Panelo, nasa Hongkong si Duterte para sa sarong pagtitipon kan mga OFWs ngunyan na Domingo sa Southern Stadium sa Wan Chai.
Pasasalamatan soboot kaini an mga OFW sa padagos na pagsuporta sa saiya asin sa saiyang aki na si Vice President Sara Duterte.
Marurumdoman, pig-iimbestigaran kan ICC si Duterte huli sa madugong war on drugs kan saiyang administrasyon.
