Makakahampang ni Pinoy Pole Volter EJ Obiena an nagkapira sa mga pinakamatitibay na atleta sa Pole Vaulters sa 2025 Mondo Classic na ikukundusir sa IFU Arena sa Uppsala, Sweden, sa Huwebes, Marso 13.
Pangengenotan kan elite pole vaulters na si world record holder Mondo Duplantis an nasambitan ng kumpetisyon.
Ini na an huring indoor event ni Obiena antes an saiyang preparasyon para sa outdoor season, kun saen mapartisipar ini sa tolong kumpetisyon siring kan Asian Championships sa Gumi, South Korea na ikukundusir sa Mayo 21 hasta 31, World Outdoor Championships sa Tokyo, Japan, puon Setyembre 13 hasta 21, asin an Southeast Asian Games sa Bangkok, Thailand na ikukundusir sa Disyembre 7 hasta 19.
Naglalaom man si Obiena na makakakua pa nin saro pang pagkakataon tanganing makapag-podium sa Mondo Classic, makalihis manggana nin bronze medal kan nakalihis na taon sa saiyang countback na igwang markang 5.91 meters.
An Mondo Classic an pigkokonsederar man na sarong importanteng pangyayari komo preparasyon para sa World Indoor Championships na isasagibo sa Nanjing, China sa Marso 21 hasta 23.
Alagad dae nakalaog si Obiena sa World Indoor Championships huli ta dae kaini nakua an 5.85-meter qualifying standard sa laog kan qualifying period.
Ini an huli ta mas pinili na magpahingalo gikan sa saiyang sinapong injury sa likod na nakua kaini mantang nag-eehersisyo para sa Paris Olympics kan nakalihis na taon.
