Nakikipag-koordinar na an Commission on Elections (Comelec) sa Philippine consulate sa Hong Kong tangani maberipika an report kan soboot vote buying sa nakalihis na political rally para sa Eleksyon 2025.
Sigun ki Comelec Chairman George Garcia, dae pa makumpirmar kan poll body an social media posts kan soboot nakaresiber an kada oveseas Filipino voter na nag atendir sa sortie kan HKD200 o katampad kan P1,500.
Sinabi ni Garcia na nakikipagkoordinar na an Comelec sa konsulada sa Hong Kong tangani makakua nin mga bareta dapit sa nasambitan ng bagay.
Sinabi man ni Garcia na mayo pa sinda nin nareresiber na reklamo o surat dapit sa insidente alagad enkaso man na napatunayang totoo, an tiwaling kandidato ay maaatubang sa diskwalipikasyon.
Mayong criminal charges na maisusunad laban sa sainda huli man sa urulay kan territoriality o nangyari sa luwas man kan Pilipinas.
Sigun ki Garcia, enkaso maresiber tulos an reklamo asin Surat, tulos man na ieendorso kan Comelec an kaso sa Committee on Kontra Bigay, kun saen liwat na piglunsar kan nakalihis na bulan nin Pebrero para sa mapataw nin mas mahigot na lakdang laban sa vote-buying, vote selling asin magin sa pag-aabuso sa state resources para sa nararani na May midterm elections.
