Nagsanib pwersa an Pilipinas asin Japan para sa mga ipapatindog na high-ticket infra projects asin mga critical projects sa nasyon.
Kaibahan sa mga pinirmahang kasunduan kan duwang nasyon iyo an budget support sa health asin climate initiatives kan gobyerno kan Pilipinas.
Pinangenotan ni Finance Secretary Ralph Recto kaibahan an mga haralangkaw na senior officials kan Japan an pormal na pagpirma sa kasunduan. Basado sa napagkasunduan, magkakaigwa nin pondo an Davao Bypass Construction Project na igwang kabilogang kantidad na maabot sa P17.67 bilyon.
An proyektong ini an obhetong pagtibayin an mobility kan mga Dabawenyo na makakatabang tanganing mag-uswag an ekonomiya kan Mindanao.
Kaibahan man sa mga popondohang proyekto iyo an Pasig Marikina Rivel Channel Improvement Project Phase IV, Cavite Industrial Area Flood Risk Management Project asin Climate Change Action Program, asin magin an Build Universal Health Care Sub Program 2.
