Plano kan United States Secretary of State na si Marco Rubio na mag bisita sa Pilipinas sa masunod na bulan tangani orog na pahiguton pa an importansya kan alyansang Pilipinas-US sa irarom man kan administrasyon ni US President Donald Trump.
Sigun ki Philippine Ambassador to the US Jose Manuel Romualdez, mayo pang siguradong petsa para sa pagbisita ni Rubio, alagad sinabi kaini na posibleng mag bisita sa Abril.
Enot na digde, mabisita man si US Defense Secretary Pete Hegseth sa Maynila sa Marso 28, na magigin primerong pagkakataon na sarong Pentagon chief an mag bisita sa Pilipinas.
Sinabi pa ni Romualdez na posibleng magkaigwa nin schedule para sa pagbisita ni Presidente Ferdinand Marcos Jr. sa Estados Unidos.
