Pig-omaw ni Speaker Ferdinand Martin G. Romualdez an Philippine National Police (PNP), sa irarom kan pamamayo ni General Rommel Marbil, sa marikas na pagkakaarestar sa mga suspek sa pagdukot asin paggadan sa Filipino-Chinese businessman na si Anson Que asin sa saiyang driver.
Sigun ki Speaker Romualdez malinaw na ipinapahiling kaini an determinasyon kan administrasyon ni Presidente Marcos na maihatod an katarungan asin maprotehiran an publiko kontra sa mga organisadong krimen.
Padagos man ini na an mga law enforcement institutions ay may bastante na kakayahan tangani resolbaran an kaso kan mayo nin dugo an dumanak.
Nagpasalamat man an lider kan Kamara ki Presidente Ferdinand R. Marcos Jr. sa saiyang matatag na suporta sa PNP sa pagtugis asin pagdakop sa mga suspek.
Binisto kan PNP an mga suspeks na sinda Ricardo Austria David, Raymart Catequista, asin David Tan Liao na presenteng nasa kustodiya na ngunyan kan PNP Anti-Kidnapping Group.
Si Liao, sarong Chinese national, an kusang-loob soboot nagsuko asin inamin an saiyang pagkaka-imbwelto sa krimen.
Naarestar naman ang duwa pa sa sarong police operation sa Palawan kan nakalihis na aldaw nin Biyernes. Si Que, na binisto man komo Anson Tan, asin an saiyang driver na si Armanie Pabillo, an naireport na nawawara kan nakalihis na Marso 29 makalihis na maghali gikan sa saindang opisina sa Valenzuela City.
Sarong ransom demand na nagkakantidad nin $20 milyon an ipinadara sa pamilya kaini sa pagi kan WeChat kinaagahan.
Duwang bangkay an nadukayan sa Rodriguez, Rizal asin nakumpirmar na ini sinda Que asin Pabillo sa paagi kan mga nagunong forensic evidence. Sa ngunyan nagbilog na na PNP nin sarong special investigation task group na iyong matutok sa kaso.
Iniimbestigaran na man ngunyan kan mga otoridad an posibleng kaugnayan kan kaso sa illegal Philippine Offshore Gaming Operators (POGOs), siringman an iba pang mga motibo apwera sa kidnap-for-ransom.
Sinabi ni Speaker Romualdez na an pagkakaarestar na naisakatuparan sa paagi kan koordinasyon, intelligence work, asin paggamit nin teknolohiya an nagpapahiling na epektibo an makabagong pagpapa-utob nin ley.
