Aram baya nindo mga ka-bombo, sarong babae na gikan sa Australia an binisto kan Guinness World Record para sa saiyang collection kan nasa 1,035 Minions.
Binisto an babae na si Liesl Benecke gikan sa Western Australia.
Sigun ki Liesl, ini an na-inlove sa nasambitan ng mga Minions mantang nagdadalan kan Despicable Me film asin pigpuonan an pagkolektar kan merchandise haros 15 taon na an nakakalihis.
Nakakapagdara soboot nin kaogmahan sa saiya an mga Minions kun kaya saen man ini mapadpad pirmeng naghahanap kan pwedeng merhandise na mababakal.
Katakod digde, pigkumpirmar man kan Guinness World Records na ini na an may kapot kan record para sa the largest collection of Minions memorabilia.
An paborito soboot ni Liesl sa saiyang mga collection iyo si Stuart, an bistado man komo sassy, one eyed Minion.
Sa presente, an nasambitan ng mga collection an padagos na nagdadakol asin pigsierto ni Liesl na dae mauntok sa pagbakal kan mga Minions memorabilia.
