Pigsugo na ni Department of Agriculture (DA) Secretary Francisco Tiu Laurel Jr. an National Food Authority (NFA) na puonan na an pagbabalyo kan saindang mga buffer stocks sa Visayas komo preparasyon sa launching nin P20/kilo na bagas na programa sa irarom man kan departamento.
Sigun sa sekretaryo, mahaloy nin sarong semana an pagbabalyo kan nasambitan ng mga stocks nin mga bagas gikan sa NFA warehouses partikular na an mga gikan sa parte nin Mindoro pasring sa manlaen-laen na parte sa Visayas.
Antes kaini ay siniguro na kan ahensya an clearance sa pagpapabakal kan mga bagas gikan sa Commission on Elections (Comelec) na parte man kan campaign promise ni Presidente Ferdinand Marcos Jr. kan mailihir ini kan taong 2022.
Mientrasntanto, an mga buffer stocks na gikan sa Mindoro an ibubugtak sa mga parte kan Visayas na igwang limitadong produksyon kan bagas siring kan Cebu, Negros Island, Samar asin Leyte.
Suportado man kan mga lokal na gobyerno sa Visayas an inisyatibong ini kan DA asin man andam na makiparte sa programang ini.
