Pigsuspendir nin anom na bulan kan Office of the Ombudsman si Cebu Governor Gwen Garcia.
Igwang koneksiyon an kaso sa pagtatao nin special quarry permit sa sarong construction company na dae na kaini pighahanapan nin environmental compliance certificate (ECC) asin iba pang dokumentos.
Apat na pages an pigluwas kan Office of the Ombudsman kan nakalihis na Abril 23 na saindang pigsuspendir nin mayong bayad sa laog kan anom na bulan an gobernador.
Paglinaw kan Ombudsman na an suspension an pwedeng mahali nin anuman na oras kun natapos na an imbestigasyon o ini an naibasura na.
Maski na suspendido, piglinaw kan Commission on Elections (COMELEC) na matinir pa man si Garcia komo kandidato sa Mayo 12.
Dugang pa kan COMELEC na dae makakaapektar an suspension kaini sa saiyang re-election.
