Nagsunad nin Motion for Reconsideration an kampo ni Senator Jinggoy Estrada sa Sandiganbayan Fifth Division nganing na hagadong baligtaron an nainot na desisyon kan korte na nagbasura sa saiyang hirit na makapag desisyon para sa kasong plunder.
Nag-ugat an lakbang makalihis ibasura kan Sandiganbayan kan Hulyo 24, 2026 ang nainot na motion to fix bail kan senador.
Segun sa naging desisyon kan korte, premature o masyado pang amay an saiyang mosyon. Ipinaliwanag kan anti-graft court na an kasong plunder ay may parusang reclusion perpetua o habambuhay na pagkakulong. Huli digdi, dae awtomatiko an karapatang magpiyansa asin kaipuhan muna nin evidentiary hearing tanganing maaraman kun makusog o maluya an ebidensya.
Sa saiyang bagong mosyon na may petsang Agosto 3, 2026, tig insister kan mga abogado ni Estrada na bako siyang flight risk asin matinir na halal na opisyal kan bayan na may terminong mahaloy hasta Hunyo 2028.
Ininsister man kan kampo kang senador an pagsunod kaini sa korte sa mga naka aging biyahe kung sain pirmi siyang nagbalik sa bansa makalihis tugutan bumiyahe sa Singapore puon Abril 21-25, 2026 asin sa Japan puon Marso 20 hasta Abril 5, 2026.
Katakod kaini, hinagad ni Estrada sa korte na irekonsidera an resolution kaini kan Hulyo 24 asin mag-isyu ning panibago na magtugot sa saiyang mosyon na magtakda nin piyansa sa saiyang kasong plunder.
Magigirumduman na nag-ugat an kasong plunder laban kay Estrada sa umano’y P573 milyong pisong kickbacks hali sa flood control projects, na isinampa kan Office of the Ombudsman sa Sandiganbayan kan Mayo 28, 2026.
