Pig-apod na fake news kan Malakanyang an nagkukuriyat na memorandum na soboot gikan sa Office of the President na pirmado ni Executive Secretary Lucas Bersamin kun saen pinapatalsik soboot sa pwesto si House Speaker Martin Romualdez.
Huli soboot sa nagbababang rating kan Presidente Ferdinand Marcos Jr kaipuhan na pakukusugon pa an ayuda kan gobyerno para sa mga kahimanwa.
Susog ki Palace Press Officer USec. Claire Castro, dae na dapat pagka-sibutan an nasambitan ng report nin huli ta malinaw na igwang nagpapakuriyat kaini na obhetong rauton an pamamalakad asin man nagkapirang mga opsiyales.
Pangapudan ni Castro na dae basta magtubod sa mga nahihiling na mga dokumento orog na sa social media nin huli ta uso ngunyan an mga pekeng dokumento.
An pahayag ni Castro an kawsa kan nagkukuriyat na memorandum katakod sa post meeting report kan soboot Laylo survey presentation kan nakalihis na April 8,2025 kun saen inatendiran soboot ini ni Presidente Ferdinand Marcos Jr. asin kan iba pang opisyal kan gobyerno.
