Sinaysay Vice President Sara Duterte na ‘panatag’ ini ano man an kaluwasan kan impeachment trial na pigsunad sa saiya na paramientras nakatalaang mapuon sa Hulyo 30.
Marurumdumang kan nakalihis na Pebrero 5 ay inaprubaran kan House of Representatives an impeachment kontra ki Duterte asin sa Hunyo man posibleng puonan kan Senado an paglilitis.
Kun madadaog man si VP Duterte sa impeachment case sa Senado, dae sana ini mahali sa pwesto, bawal na man ining magdalagan sa arin man na posisyon sa gobyerno.
Sa ibong na banda, sinaysay ni VP Sara na an nararani na impeachment trial an bako sana mapadapit sa saiya, kundi pati sa mga politiko asin saindang mga administrasyon na nagpopromisa sa tao na matao nin makatotoohan na serbisyo publiko.
Mientrastanto, pigkuwestyon ni Vice President Sara Duterte sa Korte Suprema an validity asin man constitutionality kan ika-apat na impeachment complaint na pigsunad kontra sa saiya.
Napagaraman na nagsunad an kampo kan bise presidente nin petition for certiorari and prohibition with urgent application of temporary restraining order and/or writ of preliminary injunction sa Supreme Court (SC) mapadapit digde.
Obheto kan petisyon na maghagad nin inaapod na ‘judicial intervention’ gikan sa Korte Suprema asin man ulangan an impeachment complaint kontra sa bise presidente.
