Aram baya nindo mga ka-Bombo napuli sa trahedya an pamamasyar kan mga mag-aamigo kan maaksidente an saro sa sainda makalihis mag-dive sa swimming pool na hababaw sana palan an tubig sa sarong pribadong resort sa Karnataka, India.
Madadalan an viral video na pigluwas kan mga otoridad katakod sa nangyaring insidente sa nasambitan ng resort.
Saro sa mga guest an nag-dive sa pool, na binistong si Nishant, 35-anyos. Nakikidamdam man an saiyang kaiba na mga biker makalihis mag-anggat sa tubig an saiyang payo.
Pirang minuto pa, naalarma na an bilog grupo, asin tulos na pig-ahon si Nishant, na mayo nang malay kaidto.
Katatapos pa sana ninda kaito mangudto kan maisipan ni Nishant na mag-swimming sa pool na 4.5 talampakan an rarom. Igwa man nin langkaw na 5’10 si Nishant.
Base sa pagsusuri kan mga doktor, nagsapo nin spinal cord injury si Nishant makalihis ining magtama sa sa’log kan pool.
Sa kasamaang palad, dae nagmarhay an kondisyon ni Nishant asin nagadan. Mayo nin pigluwas na opisyal na pahayag an resort asin an pamilya ni Nishant sa nangyaring trahedya.
