Nagpaluwas nin protesta an Vietnam kan nakalihis na aldaw nin Sabado kontra sa mga pahayag kan China asin Pilipinas katakod kan Sandy Cay, sarong pinag-iiwalan na parte kan Spratly Islands sa West Philippine Sea (WPS) na kinokonsiderar kan Vietnam komo parte kan saindang teritoryo.
Sigun ki Pham Thu Hang, tagapagtaram kan foreign ministry kan Vietnam, nagsumiter na sinda nin protest notes sa duwang nasyon komo kasimbagan sa soboot pagbalgar sa saindang soberanya.
Hurot kan Vietnam, an Spratly Islands an sakop kan saindang teritoryo asin nagapudan ini sa mga imbwelto na nasyon na igalang an saindang karapatan asin man maglikay sa mga lakdang na lalong magpapainit sa tensyon.
An protesta an kasunod kan ribayan kan patutsada kan China asin Pilipinas kan nakalihis na mga semana, makalihis semana, makalihis mapareport kan Chinese state media na isinasairarom na kan saindang coast guard kan katahawan kan Abril sa “maritime control” an Tiexian Reef, parte kan Sandy Cay.
Komo kasimbagan, nagluwas an Philippine Coast Guard nin ladawan kun saen mahihiling piglangkaw kan mga suldados na Pilipino an watawat kan nasyon sa parehong lugar sarong aldaw antes an sinasabing pagbugtak kan watawat kan China sa Sandy Cay. Manunutaran an Sandy Cay harani sa Thitu Island (Pag-asa Island), na okupado asin binabantayan kan Pilipinas.
Nagtitinir na mainit an tensyon sa rehiyon, kun saen nagkapirang mga nasyon siring kan Vietnam, Pilipinas, asin Malaysia an nag aangkin man sa parte kan kadagatang inaangkin haros kan bilog kan China, ini dawa pa sa ibong kan desisyon kan international tribunal na mayong legal na batayan an claim kan Beijing sa West Philippine Sea.
