Nagpaabot nin pasasalamat si Vice President Sara Duterte sa gabos nin ina sa nasyon ngunyan na Aldaw nin mga Ina, sa paagi kan sarong video message na ipinost kaini sa Facebook kan nakalihis na semana.
Inapod ni Duterte an mga Ina komo “ilaw ng tahanan” asin pig omaw an saindang katapangan, sakripisyo, asin dalisay na pagpadaba para sa saindang pamilya.
‘Ipinagdiriwang natin ang iyong katatagan, sakripisyo at wagas na pagmahahal. Sa bawat araw na inilalaan ninyo sa inyong pag-aaruga, pagtataguyod, at paggabay sa inyong mga anak at mahal sa buhay, isinasabuhay ninyo ang uri ng pagmamahal na tapat, dalisay, at walang kapantay,’ sigun ni VP sa saiyang mensahe.
Dugang pa kan Vice President, komo mga aki asin ina, an sukli sa siring na pagpapadaba iyo an pagtataong-galang, pagmakulog, asin marangal na pamumuhay para sa kapwa asin man sa banwaan.
