Pinahimutikan ni Bise Presidente Sara Duterte na nakakabisto siya sa dismissed policeman asin dating security officer ni dating Speaker Lord Allan Velasco, Rodulfo Gracioso Jr. asin makusog man na sinabi na mayo siyang naresibe na kwarta hale saiya.
Sa pinaluwas na pahayag ngonian na aldaw, Setyembre 26, sinabi kan bise presidente na hinahalat na kan saiyang mga abogado an opisyal na kopya kan sinumpaan na pahayag ni Gracioso gikan sa National Bureau of Investigation o NBI antes sinda magpoon na magsangat kan mga kasong gusto nindang isasangat kontra saiya.
“Once we are done dismantling the lies contained in his testimony, it will end up in the trash bin—just like the one from Ramil Madriaga,” sabi pa ni Duterte.
Enot na nagbutwa si Gracioso na nagpamidbid na dating pamayo kan seguridad ni dating House Speaker na si Lord Allan Velasco, na nagsasabing nagdeliver siya nin mga maleta na may laog nin cuarta ki Duterte, dating Presidente Rodrigo Duterte, asin Davao City First District Representative Paolo Duterte.
Segun ki Gracioso, labi sa 20 beses suboot na nagdeliver ini ki Bise Presidente Duterte.Get Permission
Sa saiyang pahayag, inapod ni Duterte na “media stunt” an mga alegasyon asin nanindugan na parte ini kan pagprobar na buhayon liwat an kasong impeachment kontra saiya.
Sinabi man kan Bise Presidente na mapreparar kan saiyang kampo an mga kaso laban ki Gracioso makalihis na makua an opisyal na kopya kan saiyang affidavit hale sa NBI.
