Binisto asin pigtawan-pugay kan liderato kan Philippine National Police (PNP) an mga personahes kaini siring an mga katuwang nindang ahensiya kan gobyerno na nagpamalas nin dedikasyon asin pagsimbag sa apod kan tungkulin para sa eleksiyon.
Sigun ki PNP Chief, Police General Rommel Francisco Marbil, dapat bistuhon an mga nagtindog asin nagsunod sa direktiba ni Presidente Ferdinand R. Marcos Jr na itaguyod an matoninong asin tapat na eleksiyon.
Alagad maski igwang mga naireport na minor technical asin logistical issues, tulos man ining aksyunan kan mga kinauukulang ahensiya kan gobyerno.
Kaibahan na digde an pagkaraot kan Automated Counting Machines, pagkaantala sa pagbubukas kan presinto asin mga pangaran na dae mahanap sa listahan kan mga botante.
Siring man, pigtawan-duon kan PNP na mayong naikurit na insidente na nakaapektar nin dakula sa marhay na bulos kan eleksiyon asin nagin huma sa pambansang seguridad.
Nasa labi 205,000 an bilog na pwersa kan gobyerno na ipinakuriyat sa bilog na nasyon na pigbibilog kan PNP, Armed Forces of the Philippines (AFP), Philippine Coast Guard (PCG), Bureau of Fire Protection (BFP) asin iba pa.
