Ipinag-sugo ni Presidente Ferdinand R. Marcos Jr. an tulos na implementasyon kan mga prayoridad na proyekto asin man programa kan saiyang administrasyon.
Sinaysay ni Presidential Communications Office Undersecretary asin Palace Press Officer Claire Castro sa press briefing sa Malakanyang na nakatutok an Presidente na iprayoridad an mga pangangaipuhan kan mga filipino.
An pahayag na ini ni Castro an komo pagtataong-duon na man sa kawaran nin plano ni Presidente Marcos na makiaram sa nagbabadyang impeachment trial ni Vice President Sara Duterte.
Sa katunayan, may nagkapirang Cabinet members ni Presidente Marcos an nag meeting tangani pag ulayan an mga mayor na programa kan presenteng administrasyon na nangangaipuhan nin tulos na pagpapautob.
An agenda kan meeting an enot naisiwalat ni Transportation Secretary Vince Dizon na nag atendir sa nasambitan Ng pag-urulay. Tinawan duon ni Castro an importansya kan pagkakasararo orog pa ta tapos na an halalan sa nasyon.
Looking forward man si Presidente Marcos na makatrabaho an m gabos nin mga bagong halal na opisyal kabali na an presumptive winners sa Senate race.
