Sinalakay kan Land Transportation Office (LTO) an sarong pribadong establisyemento sa Quezon City na soboot nagpapabakal nin mga second-hand right-hand drive motor vehicles.
Sigun ki LTO Chief Assistant Secretary Vigor Mendoza II, an pagpapabakal kan mga nasambitan ng lunadan digde sa Pilipinas an maikokonsiderar na iligal.
Ini an apwera pa sa dae ini akma sa traffic scheme na pigpapautob kan nasyon.
Apwera sa sadiring intelligence-gathering na isinagibo kan LTO, nakaresebir man an mga ini nin report na nagpapahiling sa nasambitan ng bentahan, gamit an manlaen-laen na mga social media platform.
Isinagibo man soboot an pirang transaksiyon gamit an social media. Paliwanag ni Mendoza II, an mismong presensiya kan mga nasambitan ng lunadan digde sa nasyon an ipinagbabawal na, kaya sierto na igwang naglaog sa mga ini digde sa Pilipinas.
Sa irarom kan Republic Act 8506 o an ley na nagbabawal sa mga right-hand drive motor vehicle sa Pilipinas, ipinagbabawal digde an pag-import, nagtabang sa pag-import, magrehistro o nagtabang sa pagpaparehistro, paggamit asin pag-operate sa mga nasambitan ng lunadan.
Ipinagbabawal ini, mapa-pribado o pampublikong pagsasadiri, kaibahan na an mga lokal na gobyerno asin an national government.
