Itinalaga ni Pope Leo XIV si Cardinal Luis Antonio Tagle komo bagong titular kan Albano, sarong suburbicarian diocese na dating kapot mismo kan Santo Papa antes ini ma-elehir.
Si Tagle, na presenteng pro-prefect kan Dicastery for Evangelization, an naghalili ki Pope Leo- na dating si Cardinal Robert Prevost — na nagkapot kan titulong cardinal bishop kanAlbano puon kan Pebrero 2025.
Antes ma-elihir komo santo papa, nagsirbi si Leo komo prefect kan Dicastery for Bishops sa irarom ni Pope Francis.
Mahihiling sa luwas kan Roma an Diocese kan Albano, na saro sa pitong suburbicarian sees na makasaysayang koneksiyon kan mga cardinal bishop, an pinakahalangkaw na lebel sa laog kan College of Cardinals.
Antes italaga komo titular kan Suburbicarian Church of Albano, nagsirbi si Tagle komo cardinal priest kan Simbahan kan San Felice da Cantalice sa Centocelle puon kan taon-2012.
Kan taong-2022, ilinangkaw ni Pope Francis an saiyang katungkulan sa lebel kan cardinal bishops asin itinalaga sa parehong titular na simbahan.
