NAGA CITY- Pigpromesa kan bagong appointed head kan Department of Health (DOH)sa Bicol region an pagprayoridad sa deriktiba kan saindang ahensiya dapit sa immunization, maternal health, asin nutrition kan mga kaakian.
Sigun ki DOH Regional Director Melissa Sena sa sauyang inaugural ceremony, kaipuhan na tawan pokus an dapit sa pagbabakuna tanganing malikayan an mas kadakol pang helang na magbungkaras.
Sa 2024 Annual Field Health Services Information System nahiling na an Bicol an nadidipisal sa pag-abot kan national target na 95 percent coverage para sa routine immunizations kan mga kaakian kontra sa common vaccine-preventable diseases.
An nasambitan ng report an nagpapahiling na an Bikol an naabot an fully immunized children coverage sa nasa 47.84 percent, na igwang 71,070 children fully immunized gikan sa eligible population na 148,559.
Apwera digde, pigtawan duon man ni Sena na an pagpapababa kan maternal asin infant mortality an saiyang ikaduwa sa mga top priority.
Susog sa data na gikan sa Philippine Statistics Authority, haros 128 na mga kababaihan an binabawian nin buhay huli sa pagbabados o pag-aki kan 2023.
An nasyon an padagos na naglalapigot pasirinhg sa sarong Sustainable Development Goal tanganing maibaba an maternal deaths sa 70 kada 100,000 live births para sa taong 2030.
An Nutrition an crucial na factor sa salud kun kaya saro ini sa mga dapat na iprayoridad.
