Ikinaogam kan pamayohan kan Department of Migrant Workers an naging pagtabang kan UAE Immigration sa mga Overseas Filipino Worker sa irarom kan pagpapautob kaini kan 2024 UAE Amnesty Program.
Sigun ki DMW Secretary Hans Leo Cacdac, an ipinamalas na suporta kan UAE an nagpapatotoo sana kan matatag na koordinasyon kan Pilipinas asin UAE.
Dakula man soboot an nagin tabang kaini tanganing mapapuli nin Pilipinas an nasa 1,208 OFWs kaiba an saindang mga pamilya. Kumpiyansa an sekretaryo na mapadagos an epektibong pagtatabangan na ini kan duwang nasyon.
Ginibo kan sekretaryo an pahayag kasabay kan pagbisita kaini sa Dubai para sa pagselebrar kan ika-127 Araw ng Kalayaan ng Pilipinas.
Pigbisita man kaini an mga biktima kan kasulo sa Al Barsha asin mga OFWs na naka detain duman kabali na an mga undocumented Filipinos.
Nakatabang an 2024 UAE Amnesty Program tanganing magkaigwa nin paglaom an mga undocumented na mga Pilipino sa UAE kun saen an matrayumpong ipinautob puon kan Setyembre hasta December kan nakalihis na taon.
Pigsierto kan DMW, na magpapadagos an saindang mandato kan pagheheras nin tabang asin serbisyo sa gabos nin OFWs sa bilog na kinaban.
