Tinawan-duon ni Kabataan Partylist Representative Raoul Manuel na dae dapat makalibre, maski paramientras sana, si dating Presidente Rodrigo Duterte.
Patanid ni Manuel, garo bombang naghahalat na magsabog an paglibre ni FPRRD na siertong magigin viral content material na gagamiton kan paid troll army.
Ini an tanganing i-bully, takuton, asin raoton an morale kan mga pamilya kan mga biktima kan Extra Judicial Killings (EJKs) victims na mawot sanang mag-atendir sa proseso kan International Criminal Court (ICC).
Kawsa kaini, pig-hamon ni Manuel an Malacañang na sinserong kaiba an mga biktima kan madugong war on drugs kan Administrasyong Duterte.
Kahurotan ni Manuel sa Malacañang, na dae pag-pairalin an pag-likay sa kariribukan na saro mang paagi tanganing makalikay sa hustisya.
