Dismayado an House of Representatives sa soboot pagsayuma kan Senado na pag-ulayan an P200 legislated wage hike.
Tahasang inapod na intensiyon an ginibo kan Senado na gadanon an nasambitan ng prosopwesto huli ta dae ini pinag-ulayan sa huring sesyon kasubanggi.
Sa sarong pahayag sinaysay ni House of Representatives Spokesperson Atty. Princess Abante na nakapreparar an House bicameral conferees tanganing makipag-ulay asin i-reconcile an magkaibang bersiyon kan prosopwesto alagad mayong kasimbagan digde an Senado.
Sigun ki Abante, nagpahayag nin pagka-dismaya an house bicam conferees huli ta nakaprepara sindang idepensa an P200 legislated wage hike asin saindang napag-araman na mayong intensiyon an senado na makipag-ulay.
Hapot ni Abante tano binabarya kan Senado an mga obrero.
Mawot soboot kan Senado na sunudon kan Kamara an P100 legislated wage hike na bersiyon na saindang pig-aprobaran.
Nilinaw ni Abante na an P200 legislated wage hike kan Kamara an maduon na pinag-adalan asin dae ini maikokonsiderar na reckless proposal.
Pigtawan-duon kaini na karapatan kan publiko na maaraman tano habong simbagan kan Senado an prosopwestong legislated wage hike na bersiyon kan Kamara.
Bako pa soboot ining katapusan huli ta dae deserve kan mga obrero an barya na umento sa sahod.
