Inaprubahan na kan House Committee on Appropriations an P7.2-trillion na national budget para sa taong 2027.
An pag-apruba kan komite dae nagin unanimous, segun ki Committee Chairperson Mikaela Suansing.
Ipinasa an report na mayong amendments, mantang dae pa nagpupulong an Budget Amendments Review Subcommittee (BARSC).
Tatalakayon an mga panukalang pagbabago asin dugang na pondo kun mag-convene na an BARSC.
Kaiba sa mga hinahagad na dugang na alokasyon an Department of Education para sa mga bagong guro asin ARAL program, siring man an Department of Agriculture para sa fertilizer assistance asin solar-powered irrigation pumps kontra sa epekto kan El Niño.
Tiniyak ni Suansing na i-li-livestream an mga talakayan kan BARSC tanganing magin bukas sa publiko an anuman na pagbabago.
An plenary debates sa Kamara magpupuon ngunyan na Martes, Setyembre 15, na may target na maipasa an budget bago mag-Oktubre 9.
