Sa botong 247 pabor, 10 tutol, asin mayong abstention, naaprubahan kan House of Representatives sa ikatolo asin huring pagbasa an House Bill No. 9642 o an panukalang “New Espionage Act,” na obhetong pakusugon an depensa kan nasyon laban sa espionage, cyber-enabled spying, pag-atake sa critical infrastructure, asin iba pang nagsusulputan na huma sa pambansang seguridad.
Ayon sa mga lehislador, bako sanang paghabon nin dokumento o paglaog nin mga espiya sa nasyon an espionage huli ta pwede na ining gibuhon gamit an cyber networks, drones, financial channels, asin pag-atake sa critical infrastructure.
Sinabi ni House Majority Leader asin Ilocos Norte Rep. Ferdinand Alexander “Sandro” A. Marcos na ipagpapadagos kan Kamara an paggibo nin mga ley na makakasimbag sa mga bagong huma asin matao sa gobyerno nin mga kaipuhan na kasangkapan tanganing maprotektahan an nasyon.
Kabali sa mga awtor kan propwestong ini sina Marcos asin mga kinatawan na sina Ysabel Maria J. Zamora, Lordan G. Suan, Jurdin Jesus M. Romualdo, Gerville “Jinky Bitrics” Luistro, asin Javier Miguel Lopez Benitez, kaiba an iba pang lehislador.
Itinatakda kan propwesto bilang pangenot na konsiderasyon an pambansang soberanya, territorial integrity, national interest, asin karapatan sa self-determination, mantang inaatasan an Estado na igalang an mga konstitusyonal na karapatan asin pangenot na libertad.
Pinaparusahan kaini an bakong awtorisadong pagkapot o pagbuyagyag nin classified information na nakakaraot o pwedeng makaraot sa Pilipinas, bakong awtorisadong pag-access sa mga plano kan critical infrastructure asin defense facilities, asin ilegal na paglaog sa mga protektadong national defense assets asin critical infrastructure.
An espionage asin conspiracy to commit espionage, papadusahan nin habambuhay na pagkakakulong na mayong parole o good conduct time allowance, apwera sa multang P10 milyon sagkod P20 milyon. Habambuhay man na pagkakakulong an pwedeng ipataw sa siisay man na tinuyong maggibo nin salang deklarasyon tanganing makakua nin authorization o security clearance.
An mga government official na mapapatunayan na nagkasala, permanente ng mawawaran nin karapatan na magkapot nin pampublikong posisyon. Pwede man na litison sa court-martial an mga tauhan kan militar. Pwede man na managot an mga opisyal kan mga juridical entity, mantang an mga dayuhang nahatulan ide-deport pagkatapos kan saindang sentensiya asin permanente na ipagbabawal na magbalik sa Pilipinas.
Pwede man na imbestigaran kan Anti-Money Laundering Council (AMLC) an mga ari-arian asin pondo na konektado sa espionage offenses, kaiba an financial inquiries asin court-approved examination kan mga katakod na deposito asin investments.
Pwede man na magtalaga an Presidente o awtorisadong representante nin dugang na lugar na gagamiton para sa military, classified o national security activities bilang mga prohibited place. Awtomatiko na mapoprotektahan an national defense premises asin national security facilities. An sensitibong ebidensya na makokolekta sa imbestigasyon asin paglilitis limitado sa mga awtorisadong personnel na may need-to-know.
Igwa nin 120 aldaw poon sa effectivity kan ley an Department of National Defense, Department of Justice, asin National Security Council tanganing magpaluwas nin implementing rules pagkatapos kumonsulta sa mga katakod na stakeholder. Magkakabisa an ley 15 aldaw pagkatapos mailathala kun maisabatas na ini.
