DFA, pigkompirmar na igwang 4 na Pilipinong irido kasunod kan missile strikes kan Iran sa Israel

Pigkompirmar kan Department of Foreign Affairs (DFA) na igwang 4 na Pilipinong irido kasunod kan missile strikes kan Iran sa Israel.

Sigun ki DFA Undersecretary Eduardo De Vega, an mga iridong Pilipino an gikan sa Rehovot, sarong siyudad na nasa 20 kilometers kan katimugang parte kan Tel Aviv. Kaibahan soboot an mga ini sa 12 iba pang Pinoy na nasa parke kan magtama an missiles kan Iran sa lugar.

Basado sa opisyal, nasa kritikal na kondisyon an saro sa mga natamaan na Pilipino.

Nagpadara na man an Embahada kan Pilipinas sa Tel Aviv nin team tanganing hilingon an kamugtakan kan mga iridong OFWs.

Padagos man an pagiromdom kan DFA asin Embahada na magtinir na alerto asin magsunod sa mga abiso kan mga lokal na otoridad kan Israel.