Nagpatanid an Presidente kan Iran sa Israel na mas malala pa an gigibuhong pagbalos enkaso orog pang maglangkaw an tensyon sa pag-ultanan kan duwang nasyon.
Sigun ki Iran President Masoud Pezeshkian kasabay kan pigkundusir na cabinet meeting sa Tehran, dae maduwa-duwa an saindang lado na magibo nin aksyon kontra sa Israel.
An pahayag na ini an makalihis an bagong pag-atake kan duwang lado.
Marurumduman, piglunsar kan Israel an Operation Rising Lion kaibahan an surpresang pag-atake kan nakalihis na aga nin Biyernes na nagresulta sa pagkapuho sa military command kan Iran asin pagkadanyar sa saindang nuclear sites.
An pagbalos na piggigibo kan Iran an mapadagos sa mga masunod na aldaw asin nagpromesa na bubuksan kaini an pintuan kan impiyerno sa saindang pagbalos.
Pigsaysay pa ni President Masoud na mas orog pang malala asin mataktika an pag-atake kan Iran enkaso dae man mag-untok an Israel sa saindang aksyon.
sa ngunyan, an magdamlag na pag-atake kan Iran an nakadanyar sa mga residential buildings sa Israel asin nagin rason sa kagadanan kan nasa 10 katawo.
